De Weidedom

Ja, hot mer so was schun gesieh?
E ganzer Dom aus Weide!
Wie stolz sein mir, so was zu krieh,
wie werd mer uns beneide!
Herr Zinsmeischter hat aan entdeckt,
in Roschtock, dort im Oschte,
sein Ehrgeiz war sogleich geweckt,
nor - er sollt net veel koschte!
E Aufruf in de Zeitung drin
hot Bürger aagesproch,
schun war geweckt de Helfersinn,
un jetzt stehn Woch fer Woch
die Lautrer uff em Kaiserberch
un duhn sich fleißich spute,
sie schaffen gar net iwwerzwerch
met dene Weiderute!
Wie werd das schee sei, wann im Mai
die Blätter grie werrn sprieße,
met Leib un Seel sein mer debei,
um froh se zu begrieße!
E Weidedom! Ich sieh se schun,
die Leit dort hiemarschiere!
Was hot die Gardeschau gewunn -
mer kann nor gratuliere!


Helma Schönthaler